ભુજ તાલુકા સરપંચ સંગઠન

In Construction

સંગઠન બનાવવાં થયેલી પ્રક્રિયા :
સૌ પ્રથમ ભુજ તાલુકાના અમુક ગ્રામ પંચાયત પ્રતિનિધિઓએ ગહન વિચાર વિમર્શ ના અંતે પોતાની પંચાયતોના કામો સરળ અને સુચારુ રૂપથી થાય, તાલુકાના વિકાસ માં પક્ષાપક્ષી નહીં પરંતુ પંચાયતોનો સર્વાંગી વિકાસ થાય તે માટે ભુજ તાલુકામાં બિન રાજકીય સંગઠન ઉભું કરવાનો નિર્ણય લીધો.આ ઉદ્દેશ ને પરિપૂર્ણ કરવા માટે આઠ જેટલી ગ્રામ પંચાયતો સાથે મળીને પંચાયત રાજ ઉપર કાર્યરત સેતુ અભિયાન સંસ્થા નો સંપર્ક કર્યો. સેતુ અભિયાન સાથેની મિટિંગ દરમ્યાન જરૂરી માર્ગદર્શન મેળવી ભુજની તમામ 112 પંચાયતો ને સાથે રાખી બિનરાજકીય સંગઠન ઉભું કરવાનો નિર્ણય લેવામાં આવ્યો. સંગઠનને સુચારુ રૂપ થી કાર્યરત કરાવવા માટે મહત્વપૂર્ણ નીતિ નિયમો અને કાર્યોની રૂપરેખા તૈયાર કરવામાં આવી.

       ભુજ તાલુકાની 112 પંચાયતોને ધ્યાનમાં રાખી 17 ક્લસ્ટર (વિસ્તાર) માં વહેંચણી કરવામાં આવી અને દરેક ગ્રુપમાં 5 થી 8 પંચાયતો નો સમાવેશ કરવામાં આવ્યો. પંચાયતોના સક્રિય ગ્રુપે તમામ સરપંચોને ઉદ્દેશ સમજાવીને 22 માર્ચ 2018 ના રોજ એક મંચ ઉપર આવવા નિમંત્રણ આપવામાં આવ્યું. પંચાયત સંગઠનના આ વર્કશોપ દરમિયાન સુરેશભાઈ છાંગા ( સરપંચ-કુનરિયા) અને નિલેશભાઈ વરસાણી (સરપંચ-ભારાપર) દ્વારા સંગઠનનો હેતુ , નીતિ -નિયમો અને કાર્યો વિષે રજૂઆત કરવામાં આવી.કારોબારીની રચના માટે ભુજ તાલુકા ના 17 ગ્રુપો દ્વારા પોતાની પંચાયતના ગ્રુપ માંથી કારોબારી સદસ્ય કોણ રહેશે તે સર્વાનુમતે નક્કી કરવામાં આવ્યું. 17 કારોબારી સભ્યો મળી 4 મહિલા સદસ્યોની કારોબારી માં નિમણુંક કરી, અંતિમ 21 સદસ્યોની કારોબારી નક્કી કરવામાં આવી. કારોબારીની રચના થયા બાદ તમામ સદસ્યો સાથે મળી સર્વાનુમતે હોદ્દેદારો પ્રમુખ, ઉપપ્રમુખ, ખજાનચી, મહામંત્રી અને સહમંત્રીની વરણી કરવામાં આવી. આ સંગઠન ની રચના ની સમગ્ર પ્રક્રિયામાં લોકશાહીના મૂલ્યોનું જતન કરવામાં આવ્યું.
સંગઠન યોગ્ય દિશા માં કાર્યરત રહે, નવા વિચારો નું માર્ગદર્શન મળતું રહે તે માટે સંગઠનના બંધારણમાં સલાહકાર સમિતિ નીમવાનું નક્કી કર્યું. જેમાં હાલ પૂર્વ સરપંચ, પંચાયત શાખાના નિવૃત અધિકારી, સ્વૈચ્છિક સંસ્થાના પ્રતિનિધિ ની નિમણુંક કારોબારીની પ્રથમ મિટિંગ માં કરવામાં આવી. પંચાયતીરાજ કાયદાના જાણકાર અને સમાજ સેવક ની નિમણુંક આગામી મિટિંગ માં કરવામાં આવશે.

સંગઠનનો ઉદ્દેશ :
ભુજ તાલુકાની પંચાયતો એક મંચ પર આવી પંચાયતોના હિતમાં હકારાત્મક અને વિકાસના કાર્યો માટે સંગઠિત થાય અને સુશાસન ની દિશામાં આગળ વધે.

હેતુઓ :
ગ્રામ પંચાયતોને નડતા સામુહિક પ્રશ્નોના નિરાકરણ લાવવા.
– નવા ચૂંટાયેલા પંચાયતના સભ્યોને નવી માહિતી અને માર્ગદર્શન પૂરું પાડવું.
– પંચાયતને લગતા નીતિ વિષયક મુદ્દા માટે રજૂઆત અને લડત કરવી.
– તાલુકા અને જિલ્લા વહીવટી તંત્ર સાથે સંકલન ઉભું કરવું.
– કેન્દ્ર અને રાજ્ય સરકારની યોજનાઓની અસરકારક અમલવારી થાય તે સુનિચ્ચિત કરવું.
– ગ્રામ પંચાયતોમાં સામાજિક ન્યાયનો દ્રષ્ટિકોણ વિકસે તે માટે પ્રયત્નો કરવા.

સંગઠન કેવા કાર્યો કરશે !
સંગઠન બિન રાજકીય હશે અને તમામ સભ્યો સંગઠન ના હિત માં કામ કરશે.
– સંગઠન પંચાયતો ના તમામ સભ્યો ને પંચાયત સંદર્ભે માહિતી પહોચે એ માટે કામ કરશે
  (પત્રિકા દ્વારા , મેસેજ દ્વારા , તાલીમ દ્વારા , મીટીંગ દ્વારા )
– પંચાયત ના પ્રતિનિધિઓના ક્ષમતા વર્ધન માટે કાર્ય કરશે .( પ્રેરણા પ્રવાસ તાલીમ)
– સરકારી યોજના ના અમલ અને પરિણામ લક્ષી કાર્ય કરશે.
– રાજ્ય સરકાર અને કેન્દ્ર સરકારના નીતિ વિષયક નિર્ણયો માટે સમિક્ષા કરશે અને પંચાયતોના
  હિત માં નિર્ણય લેશે ( બિન રાજકીય અને નિષ્પક્ષ સમિક્ષા)
– સંગઠન પંચાયતો ને G.P.D.P. (ગ્રામ પંચાયત વિકાસ આયોજન)ના અસરકારક અમલીકરણ
  માટે મદદ કરશે અને અમલ કરાવવા સંબધિત એજન્સી સાથે આ બાબતે સંકલન કરશે.
– વિવિધ યોજનાઓની ગાઈડ લાઈન (માર્ગદર્શિકા)ની સમજુતી સરળતાથી તમામ પંચાયતો સુધી
  પહોચે એ માટે કામ કરશે.
– અધિકારીઓ સાથે મીટીંગ કરી પંચાયતો ને સક્ષમ બનાવવા પ્રયત્ન કરશે.
– ગુડ ગર્વનન્સ (સુશાસન) માટેની પ્રક્રિયાઓ બધી પંચાયતો અનુસરે એ માટે કામ કરશે.

નીતિ- નિયમો :
1. આ સંગઠન માત્ર સરપંચોનું જ રહેશે, જે બિન રાજકીય સંગઠન રીતે કાર્ય કરશે.
2. સંગઠનના એકમ તરીકે પંચાયત રહેશે અને તેના પ્રતિનિધિ ફરજીયાત સરપંચ રહેશે.
3. પાંચ થી આઠ પંચાયતોના કલસ્ટર ને ધ્યાનમાં રાખી એક-એક પ્રતિનિધિ કારોબારીમાં રહેશે.
4. કારોબારી ૨૧ સભ્યોની હશે અને ૫ સભ્યો સલાહકાર સમિતિમાં હશે.
                       – પૂર્વ સરપંચ ( સલાહકાર )
                       – પંચાયત શાખાના નિવૃત અધિકારી
                       – સ્વૈચ્છિક સંસ્થાના પ્રતિનિધિ ( પંચાયત સાથે કામ કર્યું હોય )
                       – કાયદા ના જાણકાર ( પંચાયતી રાજ ધારાના તજજ્ઞ )
                       – સમાજ સેવક
6. દર બે મહીને કારોબારીની મીટીંગ રહશે
7. દર બે વર્ષે ઓફીસ બેરર બદલાશે. જેની વરણી/ચુંટણી કારોબારી દ્વારા સર્વ સંમતિથી કરવામાં
    આવશે.
8. બહુમતી થી ઠરાવ પસાર કરવામાં આવશે.
9. સતત ત્રણ મીટીંગમાં ગેરહાજર રહેનાર અથવા ગેર વર્તણુક કરનાર સભ્યને કારોબારીના સભ્ય તરીકે                બરખાસ્ત કરવામાં આવશે તથા નવા સભ્યની નિમણુંક કારોબારી કલસ્ટર ને જાણ કરી, કલસ્ટરની                    બહુમતીથી નવા સભ્યની નિમણુંક કરશે.
10. દર છ મહીને જનરલ મીટીંગ (સામાન્યસભા) રહેશે.
11. નિર્ણય પ્રક્રિયા સંગઠન ની કારોબારી કરશે અને અગત્યના નિર્ણયો માટે તમામ સભાસદોને સાથે રાખીને               નિર્ણય લેવામાં આવશે. .
12. આપણા સંગઠનને ચલાવવા ગ્રામ પંચાયત દીઠ વાર્ષિક ફી રૂ.1000/- { એક હજાર } રહેશે.
13. સંગઠન કારોબારીમાં ઓછામાં ઓછા ૩૩% મહિલાઓ પ્રતિનિધિત્વ કરશે.
14. સંગઠન નાણા માટેના અન્ય સ્ત્રોત ઉભા કરી શકશે.

                                                      ભુજ તાલુકા સરપંચ સંગઠન 

                                                             કારોબારી સમિતિ
ક્રમ                         નામ                                    હોદ્દો                  પંચાયત                    સંપર્ક નંબર
૧         સુરેશભાઈ ગોપાલભઈ છાંગા                  પ્રમુખ                  કુનરિયા                   99130 55305
૨         હાજી અલાના હજી હસન સમા               ઉપ પ્રમુખ               ધોરાવર                  94272 89637
૩         મુસ્તાક હજી રસીદ  મુતવા                   ઉપ પ્રમુખ               ગોરેવાલી                94267 88819
૪         નિલેશભાઈ વાલજીભાઈ વરસાણી       મહામંત્રી                ભારાસર                    99241 34180
૫         વાલજીભાઇ એલ. આહીર                    ખજાનચી                ઝીકડી                      98257 77166
૬         કંકુબેન અમૃતભાઈ વણકર                  સહ મંત્રી                 કુકમા                       98258 90343
૭         કાનજીભાઈ  જગમાલભાઈ રબારી        સહ મંત્રી              કોટડા (આ)                 94269 82833
૮         જ્યોતિબેન હેમંતભાઈ  વિકમશી           કા. સભ્ય             વર્ધમાન નગર             99783 20969
૯         ધનજીભાઈ ખીમાભાઈ ચાવડા              કા. સભ્ય             કાળી તલાવડી             99796 22746
૧૦       ભરતભાઈ હરિભાઈ ડાંગર                   કા. સભ્ય                 લોડાઈ                    98256 47226 

૧૧       સીધીક્ભાઈ અલારખા સમા `              કા. સભ્ય                 બાઉખા                    98792 54163

૧૨       પ્રીતીબેન મુળજીભાઈ વેકરીયા            કા. સભ્ય               વાડાસર                     99253 14974
૧૩       વનીતાબેન ગોવિંદભાઈ હાલાઈ          કા. સભ્ય                મેઘપર                      94283 11537
૧૪       અદ્રેમાન કારા થેબા                            કા. સભ્ય                 જદુરા                        98793 50755
૧૫       સોઢા લાખાજી  વેલાજી                       કા. સભ્ય                 કુરન                         98790 53771
૧૬       અબ્દ્રેમાન અકબર નોડે                      કા. સભ્ય              લુડીયા                         94290 42942
૧૭       અમીન આમદ હિંગોરજા                    કા. સભ્ય               દધ્ધર                         89803 50672
૧૮       રમજાન ખાલકના જત                      કા. સભ્ય               છછલા                         94273 50378
૧૯       હંસાબેન ભરતભાઈ કોવાડીયા            કા. સભ્ય               ધ્રંગ                            99789 78121
૨૦       કાતરીયા વિજયાબેન અરવિંદ            કા. સભ્ય              નાગોર                        98252 89352
૨૧       શાંતાબેન વિનોદ વરસાણી                કા. સભ્ય             મીરઝાપર                     99096 43880

Advertisements